Mujhe Apne "qareeb" hai rakha...

Mere dil ki thi ye tamanna ke koi hamsafar mile,

Jo mujh me khud ko dhoonde ek aisi nazar mile..

Tha ek junoon is dil ko k jab koi haath mera thaame,

Na chode use jab tak rahe saans usme samaaye...

Ek aarzu thi ke kaheen ek aisa humqadam miljaye,

Jo Jannat ki galiyon tak mere qadam se qadam milaye...

Par shayad is khwaab ne, meri is khawish ne, mere Rabb ko khafa kiya,

Ke Usey laga ke maine apni dhun me kaheen Usi ko na bhula diya!

Sach hai ke wo muhabbat bepanah karta hai sab bandon se,

Naheen mukarta kabhi Apne kiye hue wadon se..

Par jab koi banda dunya ki bheed mein Ussey door hota jaaye,

Nahi rokta Woh usey jab tak woh khud hi na raasta badle...

Par mere saath Usney aisa naheen kiya,

Mujhe Usney, jo sab ko milta hai, wo beshak naheen diya..

Ek anchaaha sa anjaam mere armaanon ko Usney hai diya,

Apne darbaar me, beshumaar rehmaton k hote Usney ye faisla hai kiya

Shayad duniya ko lage ke ye kaisa Usney mera naseeb hai likha?

Par, mujhe Usney ek aazmaish bhari zindagi me Apne qareeb hai rakha!

(Alhamdulillah!)

...UmmeHashiR