Raat ki Siyaahi

Roshni ko door khud se iss tarah Raat rakhti hai 

Ujaale saikdon hon bhi to andhere saath rakhti hai

Khamoshi se aise wo apna farz nibhaati hai
Andhere ka maano wo taa-umr qarz chukaati hai
Subah ki haqeeqat ko wo poore dil se apnaati hai
 Din jaise hi dhalta hai phir andhera dhoond laati haI

Jaante hain sab sadiyon se Raat ki iss fitrat ko

Par mitaane roshni karte hain uski iss mohabbat ko

Raat ki siyaahi ko mitaana mumkin nahi hota

Hazaaron chiraagh hon bhi to wo din nahi hota

~ UmmHashiR